Loading ...

გადაცემა დევნილთა ამბები

ეთერში გასვლის დრო – ყოველი თვის ბოლო კვირა დღე 19.00 საათი. რადიოკომპანია თრიალეთი, მაუწყებლობის არხი 104,8 FM.

მოისმინეთ გადაცემის ჩანაწერი:[jwplayer config=”mp3″ mediaid=”3354″]

დევნილთა ამბების მეთოცამეტე გამოშვებას ჟურნალისტი გოგა აფციაური უძღვება.

მოისმინეთ გადაცემაში გამოყენებული მასალები

დაკავებულთა გათავისუფლება, ახალგორისთვის ბუნებრივი აირის, ქართული სოფლებისთვის კი სარწყავი წყლის მიწოდება– ეს იმ საკითხების არასრული ჩამონათვალია, რომლებიც დვანის მე–15 შეხვედრაზე განიხილეს. ქართულმა და ოსურმა მხარეებმა მხოლოდ ერთ საკითხში მიაღწიეს შეთანხმებას. ქართველ ფერმერებს საკუთარ მიწაზე უსაფრთხოდ მუშაობა შეეძლებათ და მათ ქართული პოლიცია დაიცავს. აქამდე ეგრეთწოდებული საზღვრისპირა სოფლების მოსახლეობა ნაკვეთებში გასვლას უსაფრთხოების სათანადო პირობების არარსებობის გამო ვერ ახერხებდა. იყო შემთხვევები როცა ოკუპირებული ტერიტორიების მოსაზღვრე სოფლებში გლეხებს სასოფლო სამეურნეო ტექნიკას ართმევდნენ. მოისმინეთ ლადო ბიჭაშვილის რეპორტაჟი.

მოისმინეთ ჩანაწერი:[audio:https://reporter.ge/wp-content/uploads/2011/10/Devnilta_Ambebi-gori-16_013.mp3]

მას შემდეგ, რაც 2008 წლის აგვისტოს კონფლიქტის შემდეგ, იძულებით გადაადგილებული პირები კოტეჯებში შეასახლეს, მათ სარგებლობაში მიწის ნაკვეთებიც გადასცეს. ამ ნაკვეთებს დევნილები დიდი ხალისით არ ამუშავებდნენ, რადგან სარწყავი წყლის პრობლემა იდგა. გასულ წელს არასამთავრობო ორგანიზაციებისა და ხელისუფლების დახმარებით კარალეთის დევნილთა დასახლებაში ეს პრობლემა მოგვარდა და დევნილებმაც უხვი მოსავალი მიიღეს, თუმცა ახლა ახალმა პრობლემამ იჩინა თავი. იძულებით გადაადგილებულ პირებს პროდუქტების სათავსოები არა აქვს, საწოლების ქვეშ დალაგებული ხილ–ბოსტნეული კი მალე ფუჭდება. მოისმინეთ ნათია ღერკენაშვილის რეპორტაჟი.

მოისმინეთ ჩანაწერი:[audio:https://reporter.ge/wp-content/uploads/2011/10/Devnilta_Ambebi-gori-16_023.mp3]

გორში გერმანიის მთავრობის დაფინანსებით აშენებული კოტეჯები ყველაზე ხარისხიანად ითვლებოდა, მაგრამ ცოტა ხნის წინ სამშენებლო ხარვეზები აქაც გამოვლინდა. ბზარები ჯერ საძირკველში გაჩნდა, შემდეგ კი კედლებსაც გაჰყვა. კოტეჯების დაბზარვის შესახებ ორი ვერსია ვრცელდება. ერთნი ფიქრობენ, რომ დასახლება მცოცავ ქანებზე ააშენეს, სხვათა აზრით კი მშენებლობა უხარისხოდ შესრულდა. სპეციალისტებს საკუთარი აზრი ჯერ არ დაუფიქსირებიათ. მოისმინეთ ნათია ჭოველიძის რეპორტაჟი.

მოისმინეთ ჩანაწერი:[audio:https://reporter.ge/wp-content/uploads/2011/10/Devnilta_Ambebi-gori-16_033.mp3]

გორის ტურბაზაში 90–იანი წლების კონფლიქტის დროს დევნილები 20 წელზე მეტია მძიმე პირობებში ცხოვრობენ. ამ ხნის განმავლობაში შენობები არ შეკეთებულა.
ტურბაზაში მოშლილია წყლის და საკანალიზაციო სისტემები. ხის დაზიანებულ კოტეჯებში ზამთრის გატარება მძიმეა, იქ სითბოს ვერ ინარჩუნებენ და სიცივისა და ნესტის გამო იძულებით გადაადგილებულ პირთა ჯანმრთელობის მდგომარეობა ყოველდღიურად უარესდება. მოისმინეთ ლელა თედეევას რეპორტაჟი.

მოისმინეთ ჩანაწერი:[audio:https://reporter.ge/wp-content/uploads/2011/10/Devnilta_Ambebi-gori-16_043.mp3]

ახლა კი ჩვენს გადაცემაში აუდიოდღიურის დრო დადგა. დღეს მოისმენთ ეკა ნიკოლიშვილის ისტორიას. ეკა ნიკოლიშვილი 2008 წლის აგვისტოს ომის შემდეგ სოფელ ქურთადან დევნილია.მისი ოცნება იყო თავისი სოფლის სკოლაში ბავშვებისთვის ესწავლებინა თექაზე მუშაობის ხელოვნება.მან ამ იდეის რეალიზაცია, ქალთა ორგანიზაციის დახმარებით, ომის შემდეგ გორში მოახერხა.საფუძვლიანად შეისწავლა ეს საქმიანობა და ბიზნესის სახეც მისცა.იგი აწყობს გამოფენა – გაყიდვებს, ბავშვებს თექაზე მუშაობას სრულიად უანგაროდ ასწავლის.

მოისმინეთ ჩანაწერი:[audio:https://reporter.ge/wp-content/uploads/2011/10/Devnilta_Ambebi-gori-16_053.mp3]

გადაცემა დევნილთა ამბები ომისა და მშვიდობის გაშუქების ინსტიტუტისა და რადიოკომპანია ოდიშის თანამშრომლობით იქმნება. გადაცემას ჟურნალისტი თეა შონია უძღვებოდა.