Loading ...

გადაცემა დევნილთა ამბები
ეთერში გასვლის დრო – ყოველი თვის ბოლო კვირა დღე 19.00 საათი. რადიოკომპანია თრიალეთი, მაუწყებლობის არხი 104,8 FM.
ბოლო გადაცემა 26 დეკემბერი, 2010წ.

მოისმინეთ გადაცემის ჩანაწერი: [jwplayer config=”mp3″ mediaid=”2803″]

დევნილთა ამბების მერვე გამოშვებას ჟურნალისტი გოგა აფციაური უძღვება.

მოისმინეთ გადაცემაში გამოყენებული მასალები

2010 წლის ბოლო გადაცემის თემაა მოახლოებული ახალი წელი. გადაცემიდან შეიტყობთ თუ როგორ აფასებენ დევნილები გასულ წელს და რა განწყობით ხვდებიან ისინი 2011 წლის დადგომას. დევნილთა ამბების ბოლო სიუჟეტიდან გაიგებთ უსმენენ თუ არა იძულებით გადაადგილებული პირები გადაცემას და რა სურვილები და რა შენიშვნები აქვთ დევნილი რეპორტიორების მისამართით.

როგორი იყო ცხინვალის რეგიონიდან დევნილებისთვის 2010 წელი. ზოგს გაუმართლა ზოგისთვის კი არაფერი შეცვლილა. მოისმინეთ ნათია ღერკენაშვილის აუდიო გამოკიხვა.
კარალეთის დევნილთა დასახლებაში მაცხოვრებელთა დიდი ნაწილი ფიქრობს რომ გასული წელი არაფრით გამოირჩეოდა წინა წლისაგან. დევნილთა მტკიცებით მათი სოციალური მდგომარეობა დღითიდღე მძიმდება, მოუგვარებელია დასაქმების პრობლემა, თუმცა არიან ისეთებიც, რომელთა აზრით ცხოვრება უკეთესობისკენ შეიცვალა, ხელისუფლების მხრიდან ყურადღება და პრობლემების მოგვარების ტემპი ეტაპობრივად იზრდება. მოისმინეთ ნათია ღერკენაშვილის აუდიო გამოკითხვა.
მოისმინეთ ჩანაწერი:[audio:https://reporter.ge/wp-content/uploads/2011/06/gadacema-8-gori_013.mp3]

რუსეთ-საქართველოს ომის დროს დაობლებული ბავშვები და მათი საახალწლო სურვილები. დევნილი ბავშვების უმრავლესობას ჯერაც არ დავიწყებია ომის საშინელი დღეები, თოვლის პაპას კი საჩუქრად ავტომატის მიტანას თხოვენ.
როგორ ხვდებიან 2011 წლის დადგომას მარტოხელა მოხუცები? როგორი იქნება მათი საახალწლო სუფრა? მომავლის იმედით ცოცხლობენ ისინი თუ მხოლოდ წარსულით? ახალი წელი მათთვის ერთი ჩვეულებრივი უხალისო დღე იქნება, სუფრაზე კი სხვა დღეების მსგავსად წყალ-წყალა წვნიანი. აწმყო დაკარგული და წარსულში დარჩენილი დევნილი მოხუცები საკუთარ კარმიდამოს მხოლოდ სიზმარში ნახულობენ და ყოველდღე ოცნებობენ იქ დაბრუნებაზე.
რეპორტიორი ნათია ჭოველიძე 80 წელს მიტანებული მარტოხელა დევნილების ცხოვრების შესახებ გიამბობთ.
მოისმინეთ ჩანაწერი:[audio:https://reporter.ge/wp-content/uploads/2011/06/gadacema-8-gori_023.mp3]

ომისა და მშვიდობის გაშუქების ინსტიტუტის პროექტის ფარგლებში მომზადებული რადიოგადაცემა დევნილთა ამბები დევნილთა შორის სულ უფრო და უფრო მეტ მსმენელს იძენს. ეს გადაცემა მხოლოდ იძულებით გადაადგილებულ პირთა ყოფა-ცხოვრებასა და მათ პრობლემებს აშუქებს. დევნილთა ამბებზე მომუშავე ჟურნალისტები და ძირითადი მსმენელები დევნილები არიან. ამიტომ რეპორტიორი ნათია ღერკენაშვილი გადაცემასთან დაკავშირებული აუდიტორიის მოსაზრებებით დაინტერესდა.
მოისმინეთ ჩანაწერი:[audio:https://reporter.ge/wp-content/uploads/2011/06/gadacema-8-gori_033.mp3]

2010 წლის ბოლო გადაცემას გოგა აფციაური უძღვებოდა. დევნილთა ამბები ომისა და მშვიდობის გაშუქების ინსტიტუტისა და რადიო კომპანია თრიალეთის თანამშრომლობით იქმნება.