Loading ...

გადაცემა დევნილთა ამბები
ეთერში გასვლის დრო – ყოველი თვის ბოლო კვირა დღე 19.00 საათი. რადიოკომპანია “თრიალეთი”, მაუწყებლობის არხი 104.8 FM.
ბოლო გადაცემა 30 იანვარი, 2011წ.

მოისმინეთ გადაცემის ჩანაწერი: [jwplayer config=”mp3″ mediaid=”2757″]

დევნილთა ამბების მეცხრე გამოშვებას ჟურნალისტი გოგა აფციაური უძღვება.

მოისმინეთ გადაცემაში გამოყენებული მასალები

თბილისში კომპაქტური ჩასახლების ცენტრებიდან დევნილთა გამოსახლების პროცესს გორის რაიონში მცხოვრები დევნილების პროტესტი მოყვა.

2011 წელი კომპაქტური ჩასახლებების ადგილებიდან დევნილთა გამოსახლებებით დაიწყო. თბილისში ზოგიერთი კომპაქტური ჩასახლების ცენტრიდან იძულებით გადაადგილებული პირები ძალის გამოყენებითაც კი გამოასახლეს. თბილისში მიმდინარე პროცესებს კარალეთის დევნილთა დასახლების მაცხოვრებლები გამოეხმაურნენ, რომლებმაც პოლიციის მხრიდან ძალადობის ფაქტები დაგმეს. ამ თემაზე თემაზე აუდიო გამოკითხვა დევნილმა რეპორტიორმა ნათია ღერკენაშვილმა მოამზადა.
მოისმინეთ ჩანაწერი: [audio:https://reporter.ge/wp-content/uploads/2010/12/masala-1-gadacema-9-gori3.mp3|titles=masala-1-gadacema-9-gori]

გორში, ნარკოლოგიური ცენტრის შენობაში მცხოვრები დევნილები საცხოვრებელი ფართის სიმცირესა და ელემენტარული საყოფაცხოვრებო პირობების არ არსებობაზე ჩივიან. ისინი ხელისუფლებისაგან ალტერნატიული ფართის გამოყოფას ითხოვენ.
ჩაბნელებული დერეფნები, საერთო სამზარეულო და სველი წერტილები, ოჯახზე გამოყოფილი ერთი ვიწრო ოთახი, რომელიც სამზარეულოს, საძინებლისა და აბაზანის ფუნქციებს ერთდროულად ითავსებს – ასე აღწერს ნარკოლოგიური ცენტრის შენობას დევნილთა ამბების რეპორტიორი ნათია ჭოველიძე.
მოისმინეთ ჩანაწერი: [audio:https://reporter.ge/wp-content/uploads/2010/12/masala-2-gadacema-9-gori3.mp3|titles=masala-1-gadacema-9-gori]

გორის რაიონის ნაწილობრივ ოკუპირებული სოფლების ზარდიაანთკარისა და გუგუტიანთკარის მცხოვრებლები საკუთარ სახლებში დაბრუნებას ვერ ახერხებენ, რადგან მათ უსაფრთხოებაზე პასუხს არავინ აგებს. ხელისუფლება მათ დევნილის სტატუსს არ ანიჭებს, რადგან თეორიულად ამ ადამიანებს საკუთარ სახლებში ცხოვრება შეუძლიათ. როგორია გორის საბავშვო ბაღებს შეკედლებული უსტატუსო დევნილების ყოფა ნათია ღერკენაშვილის მიერ მოამზადებული სიუჟეტიდან შეიტყობთ.
მოისმინეთ ჩანაწერი: [audio:https://reporter.ge/wp-content/uploads/2010/12/masala-3-gadacema-9-gori3.mp3|titles=masala-1-gadacema-9-gori]

დევნილთა დასახლებებში კოტეჯების ხელახალი სარემონტო სამუშაოები ცოტახნის წინ დასრულდა, თუმცა ბერბუკის დასახლებაში მცხოვრები დევნილები უკვე ალაპარაკდნენ სარემონტო სამუშაოების ხარვეზებზე. დევნილთა ერთი ნაწილი რემონტით კმაყოფილია. დევნილთა ამბების რეპორტიორმა ნათია მელაძემ კი ის სახლები მოინახულა, რომელთა კედლები ხელახალი რემონტის შემდეგ ნესტისგან სწრაფად გაშავდნენ.
მოისმინეთ ჩანაწერი: [audio:https://reporter.ge/wp-content/uploads/2010/12/masala-4-gadacema-9-gori3.mp3|titles=masala-1-gadacema-9-gori]

გორის რაიონის სოფელ საქაშეთში მდებარე დევნილთა დასახლებას ნაგვის ბუნკერები არ გააჩნია. არსებული ანტისანიტარიის მიზეზით შესაძლოა დასახლებაში ინფექციური დაავადებების გავრცელების საფრთხე დადგეს. საქაშეთში მცხოვრები დევნილების პრობლემებში გარკვევა დევნილმა რეპორტიორმა ნათია მელაძემ სცადა.
მოისმინეთ ჩანაწერი: [audio:https://reporter.ge/wp-content/uploads/2010/12/masala-5-gadacema-9-gori3.mp3|titles=masala-1-gadacema-9-gori]

ომისა და მშვიდობის გაშუქების ინსტიტუტმა დევნილი რეპორტიორებისთვის გორში ტრენინგი გამართა, რომელზეც აფახაზეთიდან და ცხინვალის რეგიონიდან დევნილმა სამოქალაქო ჟურნალისტებმა ერთმანეთი გაიცნეს.
IWPR-ის მიერ გორში ორგანიზებულ ტრენინგსა და ჟურნალისტურ მისიაზე დევნილთა ამბების გორის ბიუროს რეპორტიორი ნათია ჭოველიძე გიამბობთ.
მოისმინეთ ჩანაწერი: [audio:https://reporter.ge/wp-content/uploads/2010/12/masala-6-gadacema-9-gori3.mp3|titles=masala-1-gadacema-9-gori]

გადაცემა დევნილთა ამბები ომისა და მშვიდობის გაშუქების ინსტიტუტისა და რადიოკომპანია თრიალეთის თანამშრომლობით იქმნება. გადაცემას გოგა აფციაური უძღვებოდა. დევნილთა ამბების მომდევნო გამოშვება რადიო თრიალეთის ეთერში 27 თებერვალს გავა, 19.00 საათზე.