Loading ...

გადაცემა დევნილთა ამბები

ეთერში გასვლის დრო – ყოველი თვის ბოლო კვირა დღე, 19.00 საათი.

სამეგრელო ზემო-სვანეთი: რადიოკომპანია “ოდიში”. მაუწყებლობის არხი: FM 101.4

სამეგრელო ზემო-სვანეთი: რადიოკომპანია “ჰარმონია”. მაუწყებლობის არხი: FM 100.5

იმერეთი: რადიოკომპანია “ძველი ქალაქი”. მაუწყებლობის არხი FM 107.9

კახეთ: რადიოკომპანია “ჰერეთი”. მაუწყებლობის არხი FM 102.8

შიდა ქართლი: რადიოკომპანია “თრიალეთი”. მაუწყებლობის არხი FM 104.8.

რადიოკომპანია ოდიში, მაუწყებლობის არხი 101,4 FM.

მოისმინეთ გადაცემის ჩანაწერი:[jwplayer config=”mp3″ mediaid=”3780″]

დევნილთა ამბების მეცხრამეტე გამოშვებას ჟურნალისტი გოგა აფციაური უძღვება.

მოისმინეთ გადაცემაში გამოყენებული მასალები

სახელმწიფომ დევნილებისთვის იმ ფართების კერძო საკუთრებაში გადაცემა დაიწყო, სადაც ამჟამად იმყოფებიან. გორის ნარკოლოგიური ცენტრის შენობაში ჩასახლებული დევნილები საცხოვრებელი პირობების გაუმჯობესებას ითხოვენ და მათ მიერ დაკავებული პატარა ოთახების კერძო საკუთრებაში მიღებაზე უარს აცხადებენ. კოტეჯებში და სხვა უკეთესი პირობების მქონე შენობებში მცხოვრები დევნილები კი ფართების საკუთრებაში დარეგისტრირებას თანხმდებიან, მოისმინეთ ლელა თედეევას რეპორტაჟი.

მოისმინეთ ჩანაწერი:[audio:https://reporter.ge/wp-content/uploads/2012/01/devnilta-ambebi-shida-kartli-20_012.mp3]

ინციდენტების პრევენციის და მათზე რეაგირების მექანიზმის სამუშაო ჯგუფის მე–19 შეხვედრა, რომელიც სოფელ დვანში გაიმართა ყველაზე ხანმოკლე და პროდუქტიული აღმოჩნდა. ოსურმა მხარემ ბოლო ერთი თვის განმავლობაში დაკავებული საქართველოს ყველა მოქალაქე გაათავისუფლა, ქართული მხარე ცხინვალში მყოფი პატიმრების გათავისუფლებას მოითხოვს. ამჟამად ცხინვალის ციხეში სასჯელს 4 ქართველი იხდის, რომლებსაც ბრალი ეგრეთწოდებული საზღვრის უკანონოდ გადაკვეთაში ედებათ. თავის მხრივ ოსური მხარე საქართველოს სასჯელთაღსრულების დაწესებულებებში მყოფი ოსი პატიმრების გადაცემას მოითხოვს. მოისმინეთ ნათია ღერკენაშვილის რეპორტაჟი.

მოისმინეთ ჩანაწერი:[audio:https://reporter.ge/wp-content/uploads/2012/01/devnilta-ambebi-shida-kartli-20_022.mp3]

წეროვანის დევნილთა დასახლებაში პროტესტს ელექტროენერგიის შეღავათის გაუქმების გამო გამოთქვამენ, რამდენიმე თვის წინ ბუნებრივი აირის შეღავათიც გაუქმდა, მაგრამ მოგვიანებით მთავრობამ ეს შეღავათი სამი თვით აღადგინა. წეროვნელების აზრით დენის შეღავათის გაუქმება, მათ სოციალურ მდგომარეობას უფრო გააუარესებს, რადგან იძულებით გადაადგილებული პირების დიდი ნაწილი კვლევ უმუშევარია. მოისმინეთ ნანა კახნიაშვილის რეპორტაჟი.

მოისმინეთ ჩანაწერი:[audio:https://reporter.ge/wp-content/uploads/2012/01/devnilta-ambebi-shida-kartli-20_032.mp3]

სკრის დევნილთა დასახლებაში, იქ მცხოვრებ იძულებით გადაადგილებულ პირებს შეშის მარაგი გაუთავდათ. გასულ წელს ხელისუფლებამ დასახლებაში საწვავი რამდენჯერმე შეიტანა, მაგრამ ეს საკმარისი მარაგი არ აღმოჩნდა. სკრელები ახლა ელექტროგამათბობლებს იყენებენ, მაგრამ დენის საფასურის გადახდა თავად მოუწევთ. დევნილები ხელისუფლების დახმარების იმედზე რჩებიან. მოისმინეთ ნათია ჭოველიძის რეპორტაჟი.

მოისმინეთ ჩანაწერი:[audio:https://reporter.ge/wp-content/uploads/2012/01/devnilta-ambebi-shida-kartli-20_042.mp3]

ლიახვის ხეობიდან დევნილმა ირინა წიკლაურმა, რამდენიმე კვირის წინ გორში მყოფ პრეზიდენტთან შეხვედრა ვერ მოახერხა. წიკლაურს მისთვის წერილის გადაცემა უნდოდა, სადაც აგვისტოს ომის დროს დაზიანებული სახლის სანაცვლოდ კომპენსაციას მოითხოვს. 6 სულიანი ოჯახი, რომელიც, ამჟამად გორის ერთ–ერთ საბავშვო ბაღში ცხოვრობს, ვერც დევნილის სტატუსს იღებს. წიკლაურების ოჯახმა დახმარების მოთხოვნით წერილი პრეზიდენტთან გააგზავნა.

მოისმინეთ ჩანაწერი:[audio:https://reporter.ge/wp-content/uploads/2012/01/devnilta-ambebi-shida-kartli-20_052.mp3]

გადაცემა დევნილთა ამბები ომისა და მშვიდობის გაშუქების ინსტიტუტისა და რადიოკომპანია ოდიშის თანამშრომლობით იქმნება. გადაცემას ჟურნალისტი გოგა აფციაური უძღვებოდა.