Loading ...

ოფიციალური მონაცემებით საქართველოში 11,000 ოჯახზე მეტი სტიქიის მიერ დანგრეულ ან ისეთ სახლებში ცხოვრობს, რომლებიც შეკეთებას არ ექვემდებარება. ხელისუფლება მათი გასახლების აუცილებლობას ადასტურებს, თუმცა ეს პროცესი ძალიან ნელი ტემპებით მიმდინარეობს და მოსახლეობას მუდმივი რისკის ქვეშ უწევს ცხოვრება.

გარემოს ეროვნული სააგენტოს მონაცემებით, რომელმაც შესაბამისი კვლევა 2006 წელს ჩაატარა, საქართველოში 53 ათასი მეწყრული სხეულია, რომელთა საერთო ფართობი 1.5 ჰეკტარს აღემატება. ამ მიწების 70% დასახლებული ტერიტორების სიახლოვესაა. საფრთხე 3 ათასამდე დასახლებას ემუქრება.

1987-2010 წლებში სტიქიური უბედურებების შედეგად მსხვერპლის რაოდენობამ 400-ს გადააჭარბა. 2008 წელს აჭარაში მეწყერმა ორი ოჯახის ყველა წევრი იმსხვერპლა. მთავრობამ ეს ადამიანები საფრთხის შესახებ გააფრთხილა, თუმცა ალტერნატიული საცხოვრებელი მათთვის არ შეუთავაზებიათ.

ლტოლვილთა და განსახლების სამინისტროს მონაცემებით, 2007-2009 წლებში სტიქიით დაზარალებული მოსახლეობისთვის 429 სახლი იყო შეძენილი. 2010-2011 წლების ბიუჯეტში ამ მიზნითთანხები გათვალისწინებული არ იყო.

ფოტოები გადაღებულია დუშეთის რაიონის სოფელ მლეთაში და თიანეთის რაიონის სოფელ შარახევში.

(IWPR-ის მიერ ამ თემაზე მომზადებული სტატია: Georgia: Natural Disaster Victims Claim Neglect)