Loading ...

დე-ფატო არჩევნები ცხინვალში

კვირას ცხინვალში ეგრეთწოდებული საპრეზიდენტო არჩევნები ჩატარდა, მაგრამ პირველ ტურში გამარჯვებულის ვინაობა ცნობილი ვერ გახდა. მეორე ტური 8 აპრილს გაიმართება და მასში დეფაქტო რესპუბლიკის უშიშროების ყოფილი ხელმძღვანელი ლეონიდ თიბილოვი და სახალხო დამცველი დავით სანაკოევი მიიღებენ მონაწილეობას. თიბილოვმა პირველ ტურში ხმების 42 პროცენტი მიიღო, სანაკოევმა 21 პროცენტი, მას 1 პროცენტით ჩამორჩა სამხრეთ ოსეთის ელჩი რუსეთის ფედერაციაში დიმიტრი მედოევი. ექსპერტების აზრით, ვინც არ უნდა გაიმარჯვოს მაინც კრემლის ნება სურვილზე იქნება დამოკიდებული. კონფლიქტოლოგ პაატა ზაქარეიშვილის აზრით ეგრეთწოდებულ საპრეზიდენტო არჩევნებში განსაკუთრებული არაფერი მომხდარა.

დეფაქტო რესპუბლიკის ტერიტორიაზე ჩატარებულ არჩევნებს საქართველოს საგარეო საქმეთა სამინისტროში გამოეხმაურნენ, მინისტრის მოადგილემ ნინო კალანდაძემ ცხინვალში გამართულ არჩევნებს მორიგი ფარსი უწოდა.

ახლა ცხინვალში, მეორე ტურში გასული კანდიდატები ცდილობენ არჩევნებს მიღმა დარჩენილი კანდიდატების ელექტორატი მიიმხრონ, დეფაქტო რესპულბლიკის ეგრეთწოდებული არჩევნების მეორე ტური 8 აპრილს გაიმართება.

ვრცელი ინფორმაციისათვის მოისმინეთ ჩანაწერი:[audio:https://reporter.ge/wp-content/uploads/2012/03/devnilta-ambebi-shida-kartli-22_012.mp3]

ერგნეთის შეხვედრა აფეთქებების ფონზე

ინციდენტების პრევენციის და მათზე რეაგირების მექანიზმის სამუშაო ჯგუფის წევრები ერგნეთში შეიკრიბნენ და ფერმერთა უსაფრთხოების საკითხზე შეთანხმდნენ, შეხვედრა აფეთქებების ხმების ფონზე მიმდინარეობდა.

ქართულ და რუსულ საგუშაგოებს შორის სპეციალურად მოწყობილ კარავში ეს ხმა კარგად აღწევდა და შეხვედრის მონაწილეების ყურადღებას იქცევდა. შეხვედრის ბოლოს ოსური დელაგაციის ხელმძღვანელმა მერაბ ჩიგოევმა განაცხადა, რომ თავდაცვის სამინისტრო გეგმიურ წვრთნებს ატარებს ერგნეთიდან 20 კილომეტრის მოშორებით, მაგრამ ხმა მაინც ისმის. ჩიგოევის განმარტებით სამხედრო სწავლებების გამო, მოსახლეობას საფრთხე არ ემუქრება.

ვრცელი ინფორმაციისათვის მოისმინეთ ჩანაწერი:[audio:https://reporter.ge/wp-content/uploads/2012/03/devnilta-ambebi-shida-kartli-22_022.mp3]

წეროვანში წყლის მრიცხველების დამონტაჟება იგეგმება

დევნილთა დასახლებაში ახლო მომავალში წყლის მრიცხველები დამონტაჟდება. მრიცხველი რომლის ღირებულებაც 100 ლარს შეადგენს, მოხასლეობამ საკუთარი ხარჯით ხარჯით უნდა შეისყიდოს. ეს ინფორმაცია წროვნის დასახლებაში ამ ბოლო დროს გავრცელდა. იძულებით გადაადგილებული პირები წყლის მრიცხველების დამონტაჟებასთან დაკავშირებით, პროტესტს გამოთქვამენ. ისინი ამბობენ, რომ ისედაც მიმე პირობებში მყოფ მოსახლეობას ყოველთვიურად ისედაც დიდი თანხების გადახდა უწევს. კომუნალურ გადასახადებს კი ბევრი ოჯახი დღემდე ვერ იხდის.

დევნილთა დასახლებაში ოჯახების უმრავლესობა კოტეჯების შემოგარენის გარდა, იმ მიწის ფართსაც ამუშავებს,  რომელიც ბაქო– ჯეიჰანის ნავთობსადენს ეკუთვნის. მოსავლის მოყვანა კი მორწყვის გარეშე შეულებელია.

ვრცელი ინფორმაციისათვის მოისმინეთ ჩანაწერი:

[audio:https://reporter.ge/wp-content/uploads/2012/03/devnilta-ambebi-shida-kartli-22_032.mp3]

წეროვანში კოტეჯები დაათბუნეს

წეროვანის დევნილთა დასახლებაში კოტეჯების დათბუნებისთვის, ადგილობრივ მოსახლეობას მინა–ბამბა დაურიგეს. იძულებით გადაადგილებული პირები ამბობენ, რომ ჭერზე მინა–ბამბის დაფარების  შემდეგ კოტეჯი ზამთარში სითბოს შეინარჩუნებს, ზაფხულში კი მას სიცხისგან დაიცავს. დევნილთა განცახადებით დასახლებაში ბუნებრივი აირი გაყვანილია და ელექტროენერგიაც შეუფერხებლად მიეწოდებათ, მაგრამ გადასახადებზე შეღავათი ცოტა ხნის  წინ მოუხსნეს. დენის ქურით და გაზით საცხოვრებლის გათბობა დიდ თანხებთან იყო დაკავშირებული, მაგრამ კოტეჯების ჭერზე მინა–ბამბის დაფენა  ენერგომატარებლების ეკონომიის გარდა ოთახების სიმყუდროვესაც  უზრუნველყოფს.

ამ პროექტის განხორციელებაზე ადგილობრივმა ხელისუფლებამ დევნილები დაასაქმა.

ვრცელი ინფორმაციისათვის მოისმინეთ ჩანაწერი:

[audio:https://reporter.ge/wp-content/uploads/2012/03/devnilta-ambebi-shida-kartli-22_042.mp3]

დევნილმა დათო დუდაევმა იტალიაში წასვლის უფლება მოიპოვა

10 წლის დათო დუდაევი  მშობლებთან და დებთან ერთად გორში, ვერხვების დევნილთა დასახლებაში, ცხოვრობს.  მისი ოჯახი 2008 წლის აგვისტოს ომის დროს პატარა ლიახვის ხეობიდანაა დევნილი.

ამჟამად  დათო  გორის პირველ საჯარო სკოლაში სწავლობს. პარალელურად ინგლისურ სკოლაში დადის. გარდა ამისა იგი ეკლესიის სტიქაროსანია და ახლა ძველ ქართულს ეუფლება. სკოლაში კარგად სწავლობს, ცოტა ხნის წინ დათომ ტესტები ჩააბარა და 3 ბავშვთან ერთად  იტალიაში გამგზავრების უფლება მოიპოვა. იტალიაში იგი ერთ თვეს დაჰყოფს და ადგილობრივ ღირშესანიშნაობებს გაეცნობა.

ვრცელი ინფორმაციისათვის მოისმინეთ ჩანაწერი: [audio:https://reporter.ge/wp-content/uploads/2012/03/devnilta-ambebi-shida-kartli-22_052.mp3]

მოხუცების ნატვრა

დავით და ნადია კობალაძეებს წეროვანში ყველა იცნობს. ისინი 88 წლის მოხუცები არინ. 2008 წლის აგვისტოს მოვლენები შედეგად იძულებულნი გახდნენ ზნაურის რაიონის სოფელი ტყისუბნი დაეტოვებინათ და  საცხოვრებლად წეროვანში გადმოსულიყვნენ.

მოხუცი ცოლ–ქმარი ახლა მხოლოდ წარსულის გახსენებით ცხოვრობს.  შრომის დროს შრომა, დასვენების დროს დასვენება, სალოცავებში წასვლა და ყველა ის ტრადიცია რასაც კობალაძეები მთელი ცხოვრების განმავლობაში მისდევდნენ, ახლა მხოლოდ მოგონებად დარჩა. ერთ–ერთი ქალიშვილი ჯენეტი კობალაძე ახლაც ნოსტალგიით იხსენებს სოფელში გატარებულ დღეებს.

5 შვილის გამზრდელი ცოლ–ქმარი წეროვანში ცხოვრების ბოლო წლების გატარებას ვერასოდეს წარმოიდგენდა.

ვრცელი ინფორმაციისათვის მოისმინეთ ჩანაწერი: [audio:https://reporter.ge/wp-content/uploads/2012/03/devnilta-ambebi-shida-kartli-22_062.mp3]

გადაცემაში გამოყენებული მასალები შეგიძლიათ მოისმინოთ 2012 წლის 1-ელ აპრილს, 19:00 საათზე, შემდეგ რადიოსადგურებზე:

სამეგრელო ზემო-სვანეთი: რადიოკომპანია “ოდიში”. მაუწყებლობის არხი: FM 101.4

სამეგრელო ზემო-სვანეთი: რადიოკომპანია “ჰარმონია”. მაუწყებლობის არხი: FM 100.5

იმერეთი: რადიოკომპანია “ძველი ქალაქი”. მაუწყებლობის არხი FM 107.9

კახეთი: რადიოკომპანია “ჰერეთი”. მაუწყებლობის არხი FM 102.8

შიდა ქართლი: რადიოკომპანია “თრიალეთი”. მაუწყებლობის არხი FM 104.8.

რადიოკომპანია ოდიში, მაუწყებლობის არხი 101,4 FM.