Loading ...

კონფლიქტის ზონის სოფელ ტირძნისში ადგილობრივი მოსახლეობა ინდივიდუალურ გამრიცხველიანებას და ბუნებრივი გაზის გაყვანს ითხოვს, ახალგაზრდების აზრით  კი სოფლის ინტერნეტიზაცია უფრო მნიშვნელოვანია.

საუბნო მრიცხველზე შეუძლებელია იმის განსაზღვრა, თუ კონკრეტულმა ოჯახმა რა ღირებულების ელექტროენერგია მოიხმარა, ამიტომ უბნებში ხშირია კონფლიქტები და იმის გარკვევა, თუ ვინ მეტი და ვინ ნაკლები დახარჯა. ტირძნისელების თქმით, ინდივიდუალური მრიცხველების დამონტაჟება მრავალ პრობლემას მოხსნის.

“ჩენი ერთ-ერთი მთავარი პრობლემა არის ინდივიდუალური გამრიცხველიანება. მეზობელ სოფლებში დიდი ხანია დააყენეს მრიცხველები და ჩენს სოფლებში ჯერ-ჯერობის გვპირდებიან, მაგრამ…  პრობლემას გვიქმნის უბანს, თუ ერთი ოჯახი არ გადაიხდის, მთელს უბანს გვიჭრიან შუქს”, – განაცხადა “დევნილთა ამბებთან” საუბრისას ტირძნისის მკვიდრმა, რომელმაც სახელის დასახელება არ ისურვა.

ტირძნისში ბუნებრივი აირის გაყვანასაც ითხოვენ. მართალია, სოფელში დიდი ხნის წინ გაიყვანეს ცენტრალური მილსადენი, მაგრამ შიგნით აირი არავის გაუშვია. კონფლიქტის ზონის სოფელში ზამთარში შეშით მომარაგება მუდმივად პრობლემაა, რადგან მიმდებარე ტყეები რუს მესაზღვრეებს აქვთ დაკავებული და იქ შესვლა ცალკეუ საფრთხეებთან არის დაკავშირებული.

“მეოთხე წელიწადია, რაც ჩვენს სოფელში გაზის მილები გაიყვანეს, მაგრამ გაზი ჯერ არ გაუშვიათ. გვპირდებიან, რომ გაზს გაუშვებენ, მაგრამ დაპირება დაპირებად რჩება. გაზს არ უშვებენ ის მილები აღარ ვარგა…  ყველაფერი ისევ თავიდანაა გასაკეთებელი და რავიცი.. გამკეთებელი არავინ არ ჩანს ჯერჯერობით”, – განაცხადა “დევნილთა ამბებთან” საუბრისას ტირძნისის მკვიდრმა, რომელმაც სახელის დასახელება არ ისურვა.

ტირძნისელი ახალგაზრდების აზრით, სოფლის ინტერნეტიზაციაა უფრო მნიშვნელოვანია. მეზობელ სოფელ ტყვიავში ინტერნეტი უკვე შეყვანილია, ამიტომ ტირძნისელებიც მიიჩნევენ, რომ მათი განვითარებისთვის ინტერნეტი აუცილებელია.

“ახალგაზრდობას ყველაზე მეტად გვაწუხებს ინტერნეტის არარსებობა. მაგალითად, ჩვენს გვერდზე სოფელ ტყიავში არსებობს  საკაბელო ინტერნეტი, რაც უფრო მეტად ხელმისაწვდომს ხდის მათთის ნებისმიერი ხასიათის ინფორმაციას.  ჩვენს სოფელში თითქმის ყველა ოჯახს აქვს კომპიუტერი, მაგრამ ინტერნეტის არარსებობის გამო მათ სრულყოფილად ვერ იყენებენ”, – განაცხადა “დევნილთა ამბებთან” საუბრისას ტირძნისის მკვიდრმა, რომელმაც სახელის დასახელება არ ისურვა.

მოისმინეთ: [jwplayer config=”mp3″ mediaid=”4488″]

ავტორი: ნათია ჭოველიძე