Loading ...

 [nggallery id=7]

ორ წელზე მეტი გავიდა მლეთაში მომხდარი წყალდიდობიდან, რომელსაც მსხვერპლი მოჰყვა (3 წლის ხატია ნაზღაიძე ადიდებულ არაგვში დაიხრჩო);  დაიტბორა და დაინგრა საცხოვრებელი სახლები. 8 ოჯახს მთავრობა გადასახლებას დაჰპირდა, თუმცა სტიქიით დაზარალებულები დღემდე დანგრეულ სახლებში ცხოვრობენ.

ქვეშეთის თემის გამგებლის მოადგილის იოსებ ზაქაიძის თქმით, ცენტრალური ბიუჯეტიდან მოსახლეობისთის თანხა უკვე გამოყოფილი, მაგრამ სტიქიით დაზარალებულთა ნაწილს ფულის აღება არ სურს.

“სახელმწიფო დაზარალებული ოჯახებისთვის 7000-7000 ლარი გამოყო, მაგრამ მოსახლეობა ფულის აღებაზე უარს აცხადებს. ამბობენ, ჯერ მიწის ნაკვეთები დაგვიკანონონ და ფულს მერე ავიღებთო. სოფელ კაიშაურთან ახლოს მათთვის საცხოვრებელი ადგილი უკვე შერჩეულია.  ეს მიწის ნაკვეთები ამჟამად ყაზბეგს ეკუთვნის და დუშეთის მუნიციპალიტეტის ბალანსზე რომ გადმოვიდეს, ამას დრო სჭირდება,” – აცხადებს იოსებ ზაქაიძემ.

ზემო მლეთის მაცხოვრებლებს ხელისუფლების დაპირებების აღარ სჯერათ. ცისანა ზაქაიძე ამბობს, რომ ხელისუფლება მათი განსახლების პირობას ყოველი არჩევნების წინ იძლევა. “მოდის არჩევნები და გვპირდებიან. არჩევნები, რომ მთავრდება მერე არავის არაფერი ახსენდება,” – ამბობს ცისანა ზაქაიძე.

(რეგიონალური მედიის ქსელის მიერ ამ თემაზე მომზადებული სტატია:  დავიწყებული მოსახლეობა )