Loading ...

საქართველოს თვითგამოცხადებული რეგიონის, აფხაზეთის ადმინისტრაციული საზღვრის გასწვრივ ორი გამშვები პუნქტის – ნაბაკევი-ხურჩის და მეორე ოტობაია-ორსანტიის დახურვა, რომელსაც ყოველდღიურად ასობით ადამიანი კვეთს, ზიანის მომტანია ადმინისტრაციული საზღვრის ორივე მხარეს მცხოვრები მოსახლეობის თავისუფალი გადაადგილებისთვის, მათ შორის სკოლის მოსწავლეებისთვის. ეს სავარაუდოდ გაზრდის ინციდენტების, განსაკუთრებით დაკავებების, რისკს.

ასეთი ცალმხრივი გადაწყვეტილება კონფლიქტის შედეგად დაზარალებულ მოსახლეობისთვის გაუმჯობესებული საცხოვრებელი პირობებისა და გაძლიერებული უსაფრთხოებისთვის მუშაობის ვალდებულებებს ეწინააღმდეგება.  გარდა ამისა, ეს გადაწყვეტილება ეწინააღმდეგება სიტუაციის ნორმალიზების ძალისხმევას ისეთი ატმოსფეროს შექმნით, რომელიც ხელს არ უწყობს კონფლიქტის გრძელვადიან მოგვარებას და რეგიონში ყოვლისმომცველ სტაბილურობას.

ევროკავშირი, შესაბამისად, მოუწოდებს გადაკვეთის პუნქტების გახსნილად შენარჩუნებისკენ, რათა გადაადგილების თავისუფლება, მათ შორის ჰუმანიტარული გადაკვეთები უზრუნველყოს. გარდა ამისა, ჟენევის საერთაშორისო მოლაპარაკებების მონაწილეები უსაფრთხოების გაძლიერებასა და კონფლიქტის შედეგად დაზარალებულ მოსახლეობის საცხოვრებელი პირობების გაუმჯობესების საკითხებში კონსტრუქციულად უნდა ჩაერთონ.

ევროკავშირი აგრძელებს ადმინისტრაციული საზღვრის გასწვრივ არსებულ სიტუაციაზე ზედმიწევნით დაკვირვებას, მათ შორის მისი სადამკვირვებლო მისიის (ევროკავშირის სადამკვირვებლო მისიის) გაძლიერებული წარმომადგენლობის საშუალებით. ევროკავშირი კვლავ ადასტურებს სრულ მხარდაჭერას საქართველოს ტერიტორიული მთლიანობის მიმართ მის საერთაშორისოდ აღიარებულ საზღვრებში.

წყარო: ევროკავშირის სადამკვირვებლო მისია საქართველოში